بسم اللله الرحمن الرحيم
بحكيلكم عن رحله الى البحر صارت يوم الربعاء
طبعن انا ماكنت داريه انو حنا ماشيين البحر المهم في صباح الاربعاء كالعاده صحيت تجهزت للمدرسه طبعن وذهبنا للمدرسه عاد المشكله متاخره زي كل يوم اول مادخلت لقيت الساحه فاضيه قلت في نفسي شكلي جايه بدري مادريت الا ووجهي بوجه المديره المهم تحقيق وين انشالله ليش متاخره وعطيتها نفس عذر البارح مع اختلاف قليل و العذر سلمكم الله ياابله راحت علينا نومه عندنا عزومه امس
المهم قالت اذهبي الى الفصل بس قبل ماتطلعين لفصلك روحي انتي ووجهك سيدا عند الوكيله واكتبي تعهد المهم قلت ابشري بعزك ماطلبتي شي ونكتب التعهد واطلع لفصلي وادق الباب المهم فتحو الباب يالله اشكال البنات توحفه الي مافطرت والي ماده بوزها شبرين والي مكشره والي حتى وجهها نصه مو مغسول المهم سالتني الابله ليش متاخره عطيتها نفس العذر والله وتمر الحصص وهاذا كله وانا مدري انو حنا ماشيين البحر بعد الدوام واخر حصه حصة التاريخ يااني نمت نوم مع القصص التاريخيه لدرجة اني شفت منجنيق مار بالحلم المهم ماصحيت الا على الجرس طوووووووووط احسبه صفارة الانذار >>اوما صفارة انذار ماعلينا وبعدين سلمكم الله حان وقت الخروج والله ونركب الباص ياسلام وناسه اخر يوم وننام نومه ونسهر المهم نزلني الباص ابو شوارب عند اخر الشارع يعني بيتنا مشوار شوي والشمس عموديه على راسي وماشيه والشمس تسطع براسي المهم من النعاس زين مادخلت بيت جيراننا >>ماكفاها نومة حصة التاريخ حظ الي مادخلت عند الجيران وكملت النومه عندهم ووصلت بيتنا الحمدلله والاقي سيارتنا مفتوحه ويحملون اغراض طبعن وقفت متنحه وش عندهم عاد كان حمودي برا عند السياره وشافني وانا متنحه طبعن حمودي صغير اول ابتدائي نص طقم اسنانه رايح فيها من الشوكولاته وماينطق السين المهم وقعد ينادي يلا بثرعه تعالي ماثيين عاد انا قعدت ادور بقاموس حمودي ادور الترجمه واطنش البزر وادخل البيت ولا الي يدور ملابس السباحه والي يدور نعال البحر وانتم وانا بكرامه هههه والي يدور هذاك اللستك اتحداكم ان عرفتوه خخخخ الي يسبحون فيه المهم عاد ركبنا السيارة ومشينا ..لازم نمر على البقالة اللي كسبت من ورانا وجلسنا حوالي نص ساااااعة
يااااااااليل
الموهيم طبعا اذا ما مرينا البقالة ما تعتبر رحله
وصلنا البحر ..بس فتحت الباب ولا اللي قاعدين ورا ناقزين فوقي يبون يطلعون علشان يتسبحووو <مين اللي يسبق للبحر ويتسبح اول واحد>
نزلنا ياالبنات والعائله الله يحفظهم وقعدنا والاطفال مستانسين من البحر بصراحه فكرت في نفسي لييييييييه ماأتسبح معهم
وفجأه مالمحوني الا وانا في البحر <يااسلام باارد الصراحه مايتعوض>
والبنات وراي وحده وحده وفلينااااها ونااااااااااااسة
وكاانت أحلى رحله مشيناها
هذه القصة الرهيبه حتى أنا لما أتذكرها أقول ياليتها تنعاد
وتقبلو تحياااااتي
السبت أكتوبر 17, 2009 1:54 am
....
